*धरणगाव, रावेर व चोपडा ग्रामीण रुग्णालयांच्या सामग्रीसाठी १ कोटी ११ लाखांचा निधी !*
पालकमंत्री ना. गुलाबराव पाटील यांचे निर्देश !
कोविड-१९ विरूध्दच्या लढ्यासाठी होणार उपयोग
तरुण तडफदार न्युज चे पाठपुरावा ला आले यश,
*जळगाव दि.5 :- सध्या सुरू असणार्‍या कोरोनाच्या आपत्तीच्या पार्श्‍वभूमिवर धरणगाव, रावेर आणि चोपडा येथील ग्रामीण रूग्णालयात सामग्री खरेदीसाठी 1 कोटी 11 लाख रूपयांचा निधी मंजूर करण्यात आला आहे. कोविड -19 विरूध्दच्या लढ्यासाठी पालकमंत्री ना. गुलाबराव पाटील यांच्या निर्देशावरून या निधीला प्रशासकीय मान्यता मिळाली आहे.*
कोविड - 19 या विषाणूचा प्रादुर्भाव रोखण्यासाठी व नियंत्रण मिळवण्यासाठी आवश्यक उपाययोजना करण्याच्या अनुषंगाने प्रधानमंत्री खनिज क्षेत्र कल्याण योजनेअंतर्गत जिल्ह्याचे पालक मंत्री ना. गुलाबराव पाटील यांच्या सूचनेनुसार धरणगाव,चोपडा व रावेर येथिल ग्रामीण रुग्णालयात साहित्य सामुग्री खरेदी करण्यासाठी 1 कोटी 11 लक्ष निधीस जिल्हाधिकारी डॉ.अविनाश ढाकणे यांनी प्रशासकीय मान्यता दिली आहे. त्यामुळे तिन्ही ग्रामीण रुग्णालयात रुग्णांच्या उपचारासाठी फायदा होणार आहे.
जिल्ह्याचे पालकमंत्री ना.गुलाबराव पाटील यांनी जिल्ह्यातील धरणगाव, चोपडा व रावेर येथे ग्रामीण रुग्णालयात आवश्यक साहित्य सामग्रीसाठी उपलब्ध करण्याच्या सूचना जिल्हा शल्य चिकित्सक डॉ. नागोजीराव चव्हाण यांना दिल्या होत्या. त्यानुसार रावेर व चोपडा येथे डिजिटल एक्स रे मशीन,हिमोग्लोबीन मीटर,ओटी टेबल, ओटी लाईट व ऑक्सिजन लेपलशपीींरीेीं खरेदी साठी ४१ लक्ष तर धरणगाव ग्रामीण रुग्णालया करिता डिजिटल एक्स रे मशीन,हिमोग्लोबी मीटर,ओटी टेबल, ओटी लाईट व ऑक्सिजन कॉन्सनट्रेटर, एन ९५ मास्क, सॅनिटीझर, पी. पी.ई. किट, इन्फ्रारेड थर्मोमिटर,ट्रिपल लेयर मास्क,हॅन्डग्लोज,जम्बो ऑक्सिजन सिलेंडर , डिजिटल मॅमोग्राफी मशीन या साहित्य समुग्रीच्या खरेदीसाठी ७० लक्ष निधी मंजूर करण्यात आला असून तात्काळ टेंडर देखील सामान्य रुग्णालयाच्या आरोग्य विभागाने काढले आहे.
*या संदर्भात पालकमंत्री ना. गुलाबराव पाटील म्हणाले की, कोविड-१९ विषाणूचा संसर्ग थांबवण्यासाठी जिल्हा प्रशासनातर्फे उपाययोजना करण्यात येत असून धरणगाव, रावेर व चोपडा येथील ग्रामीण रूग्णालयात या संसर्गाचा प्रतिकार अधिक चांगल्या पध्दतीत करता येईल. या रूग्णालयांमध्ये तातडीने सदर सामग्री खरेदी करून वापरात आणण्याचे निर्देश देखील ना. पाटील यांनी दिलेले आहेत.*
No comments:
Post a Comment